Apple zhortvaje raspracoŭku elektramabila. Supracoŭnikaŭ pieraviaduć u AI-adździeł
U prajekcie byli zadziejničanyja dźvie tysiačy čałaviek.
28.02.2024 / 09:03
Apple Park u Kupiercina (Kalifornija). Fota: Wikimedia Commons
Kampanija Apple vyrašyła zharnuć adzin z samych ambicyjnych u svajoj historyi prajektaŭ pa stvareńni elektramabila, jakim pačała zajmacca 10 hadoŭ tamu, piša Bi-bi-si.
U prajekcie (Project Titan), isnavańnie jakoha Apple nikoli publična nie pryznavała, mierkavana było zadziejničana kala dvuch tysiač čałaviek — usiaredzinie kampanij jany byli viadomyja jak Special Projects Group.
Častka ź ich budzie pieraviedziena ŭ padraździaleńnie, jakoje zajmajecca raspracoŭkami ŭ vobłaści štučnaha intelektu, piša Bloomberg.
Pa źviestkach surazmoŭcaŭ ahienctva, rašeńnie było pryniata hałoŭnym apieracyjnym dyrektaram Apple Džefam Uiljamsam i vice-prezidentam Kievinam Linčam.
Sama Apple hetyja paviedamleńni nie kamientuje.
Čytajcie taksama:
U Biełarusi ŭžo pradajucca Apple Vision Pro. Ale kaštujuć, jak šeść novych ajfonaŭ