Niamieckija pratesnyja fanaty spynili futbolny matč, uzbroiŭšysia novymi technałohijami VIDEA
U Hiermanii ciapier iduć pratesty zaŭziataraŭ suprać zaklučeńnia niamieckaj futbolnaj fiederacyjaj pahadnieńnia ab prodažy 8% pravoŭ na teletranślacyi pieršaj i druhoj Bundeślih u abmien na inviestycyjny kapitał. Niamieckija zaŭziatary aścierahajucca, što pryvatnyja inviestary mohuć niehatyŭna paŭpłyvać na čempijanaty, a tamu pratestujuć. I mietady hetych pratestaŭ časam vielmi kreatyŭnyja.
17.02.2024 / 22:37
Padčas matču druhoj bundeślihi «Hanza» (Rostak) — «Hamburh» fanaty pačali kidać na pole tradycyjnyja pradmiety: tenisnyja miačy, šakaładnyja maniety i da taho padobnaje. Ale adna ź ich vynachodak pa-sapraŭdnamu ździviła.
Niejkim čynam zaŭziataram udałosia zapuścić na pole mašyny na dystancyjnym kiravańni z bałončykami dymu. Paśla taho rostakski stadyjon «Ostzieještadyjon» apynuŭsia ŭvieś u biełym i sinim dymie. Matč byŭ na niekatory čas prypynieny.
Urešcie, praŭda, kamandy dahulali hulniu, jakaja skončyłasia ź likam 2:2.
Čytajcie taksama:
«Reał» patracić na Kilijana Mbape paŭmiljarda jeŭra. U kłuba jość na heta hrošy
Biełaruskija ksiandzy źjeździli na čempijanat Jeŭropy pa futbole. Vynik tak sabie
Futbalist «Bavaryi» na Dzień zakachanych atrymaŭ nie valancinku, a čyrvonuju kartku