Łukašenka skazaŭ, kolki biełaruskich šubaŭ pradali za miažu ŭ minułym hodzie. Ličba vas ździvić
Alaksandr Łukašenka na ahulnym schodzie pradstaŭnikoŭ členaŭ Biełkaapsajuza padzialiŭsia źviestkami, kolki šubaŭ biełaruskaj vytvorčaści pradali za miažu ŭ minułym hodzie, paviedamlaje BiełTA. Akazałasia, Biełaruś ekspartuje nie hatovuju futravuju pradukcyju, a syravinu, i kolkaść pradadzienych šubaŭ u 2023 hodzie roŭnaja kruhłamu nulu.
16.02.2024 / 20:17
Paplečnica Łukašenki Natalla Kačanava ŭ norkavaj šubie. Praŭda, norka ŭ jaje nie biełaruskaja, a skandynaŭskaja
U paraŭnańni z nulom 2023-ha ŭ 2022 hodzie biełaruskich šubaŭ ekspartavana našmat bolš — «ažno» 23.
Pry hetym z-za miažy ŭ 2023 hodzie kupili hatovych futravych vyrabaŭ bolš čym na 2 młn dalaraŭ, a ŭ 2022-m — na 2,3 młn dalaraŭ.
U toj ža čas letaś Biełaruś ekspartavała amal 520,5 tys. štuk pušna-futravaj syraviny na 13 młn dalaraŭ, da ŭzroŭniu 2022 hoda heta 98,8 pracenta. Taksama ŭ 2023-m pastavili 121 tys. štuk dublonych i vyrablenych futravych škur na 2 młn dalaraŭ, heta 47% da pakazčykaŭ pazaminułaha hoda.
Jak i zaŭsiody ŭ padobnych vypadkach, Łukašenka zahadaŭ pavialičvać prodaž mienavita hatovych vyrabaŭ, prytym, pavodle jaho, heta lohka i prosta: «Chiba tak ciažka pašyć šuby, šapki i što jašče treba ŭ chałodnaje nadvorje?»
Pa danych na studzień 2023 hoda, u Biełarusi pracavali siem źvierahaspadarak — vytvorcaŭ skurak norki. Šeść ź ich — u struktury Biełkaapsajuza, adno — SVK.
Čytajcie taksama:
«A pavinna być u fufajcy?» Łukašenkaŭcy kinulisia abaraniać šubu Kačanavaj
Kačanava vyhulała na MTZ raskošnuju šubu sa skandynaŭskaj norki
U Žodzinie dźviery aŭtobusa zacisnuli futra piensijanierki, jana zahinuła