«Našy vajskoŭcy — heta samaje hałoŭnaje, što ŭ nas jość» — Zialenski prakamientavaŭ situacyju ŭ Aŭdziejeŭcy
Prezident Ukrainy padčas vizitu ŭ Miunchien prakamientavaŭ infarmacyju pra situacyju ŭ Aŭdziejeŭcy na Danieckim napramku.
16.02.2024 / 16:59
Fota: Dmytro Smoliyenko / Ukrinform/Future Publishing via Getty Images
Jon zajaviŭ, što ŭkrainskija vajskoŭcy «hieraična abaraniajuć stratehičnyja rečy, łahistyčnyja šlachi, jakija mohuć pryvieści voraha da prasoŭvańnia napierad».
Zialenski adznačyŭ, što «detalova razumieje, što adbyvajecca» ŭ horadzie, pastajanna kantaktuje z vajennym kiraŭnictvam.
«Ja nie budu havaryć, jakija jany novyja padychody prymianiajuć. Ich zadača rabić usio, kab abaranić našych ludziej. Heta hałoŭny sihnał ad mianie. Našy vajskoŭcy — heta samaje hałoŭnaje, što ŭ nas jość, i heta samaje hałoŭnaje naša zbroja», — zajaviŭ Zialenski.
Raniej vajskoŭcy na miescach kazali, što z amal akružanaha na toj momant umacavanaha rajona «Zienit» ich nichto nie vyvodziŭ, a vybiralisia sami, jak mahli, sa stratami.
Kamandavańnie USU kazała, što im było pryniataje rašeńnie pakinuć «Zienit» arhanizavana.
Čytajcie taksama:
Ukrainskaja armija, imavierna, vychodzić z Aŭdziejeŭki
Rasija nakiravała va Ukrainu značna mienš ludskich i materyjalnych resursaŭ, čym patencyjna mahła b
Rasijskija vojski pierarezali čyhunačnuju liniju ŭ centry Aŭdziejeŭki — analityk Bild