16-гадоваму падлетку далі 10 гадоў выхаваўчай калоніі за падпал здымнай кватэры
Здарэнне адбылося 2 мая 2023 года ў Гродне.
12.02.2024 / 14:37
Ілюстрацыйнае фота xakac.info
У той дзень хлопец пасля канфлікту з уласнікам кватэры ў Гроднн, дзе арандаваў пакой, дачакаўся, калі той засне.
Затым, задумаўшы забіць яго і знішчыць маёмасць, юнак падпаліў фальгу і паперу, якія кінуў на разлітую на падлогу ў калідоры лёгкаўзгаральную вадкасць. У кватэры пачаўся пажар, паведамляе Генпракуратура.
Аднак ратавальнікі аператыўна ліквідавалі пажар, а пацярпеламу мужчыну была своечасова аказана дапамога.
Мужчына атрымаў менш цяжкія цялесныя пашкоджанні, а маёмасная шкода склала больш за 11 тысяч рублёў.
Акрамя таго, хлопец 19 мая на вуліцы Урублеўскага ў Гродне здзейсніў хуліганскія дзеянні ў дачыненні да жанчыны і яе малалетняга сына.
У выніку яму па сукупнасці злачынстваў прысудзілі 10 гадоў і месяц зняволення з адбываннем тэрміну ў выхаваўчай калоніі.
Чытайце таксама:
Уначы ў Ветцы адбыўся пажар. Траіх дзяцей шпіталізавалі
У Мінску задыміўся «экс-Кемпінскі»
У Віцебску маці і дачку шпіталізавалі з апёкамі — у пасцелі загарэўся паўэрбанк