«Dzieciam tłumačać, kab nie bajalisia pamirać za Radzimu». Rasijanka paprasiła ŭ sadku davać małym mienš vajskovych cacak — jaje sudzili
Žycharku Irkucka aštrafavali pa artykule ab dyskredytacyi armii za prośbu davać dzieciam u dziciačym sadzie pamienš vajennych cacak. Danos na žančynu zrabiła vychavalnica dziciačaha sadka, piša 7ch7.
11.02.2024 / 11:36
Natalla vodzić u dziciačy sadok svajho syna. Niejak jana zaŭvažyła, što ŭ dziciačym sadku stała zanadta šmat cacak vajskovaj tematyki, i spytała pra heta vychavalnicu. Taja adkazała, što hetyja cacki nieabchodnyja dla patryjatyčnaha vychavańnia dziaciej, pišuć «Ludzi Bajkała».
«Dzieciam tłumačać, što im nieabchodna słužyć u vojsku i vajavać, kab nie bajalisia pamirać za Radzimu», — patłumačyła supracoŭnica dziciačaha sadka.
Na sudzie vychavalnica pradstaviła inšuju viersiju taho, što adbyłosia. Pavodle jaje słoŭ, Natalla zajšła ŭ sadok i, «pahladzieŭšy na partret prezidenta Pucina, abraźliva vykazałasia ŭ jaho adras, kazała, što Rasieja napała na Ukrainu, i tamu tam hinuć mirnyja ludzi». Sud pryznaŭ Natallu vinavataj i pryznačyŭ štraf u 35 tysiač rasijskich rubloŭ (kala 400 dalaraŭ).
Čytajcie taksama:
Šolc i Bajden razam paśmiajalisia ź intervju Pucina
U Baškartastanie zareziervavali 2,5 miljona miescaŭ dla biełarusaŭ