Što viadoma pra novaha kiraŭnika Departamienta finansavych rasśledavańniaŭ Andreja Sambuka?
Apošnija 18 hadoŭ Sambuk pracavaŭ u KDB.
02.02.2024 / 13:23
Andrej Sambuk
Novym kiraŭnikom Departamienta finansavych rasśledavańniaŭ Dziaržkantrolu Biełarusi pryznačany Andrej Sambuk. Jon vychadziec z KDB, i heta nakładvaje adbitak na bijahrafiju — siłavik absalutna niepubličny.
«Biełpoł» paviedamiŭ «Našaj Nivie» ankietnyja źviestki Sambuka. Jon naradziŭsia ŭ 1981 hodzie ŭ Minsku. Niežanaty.
Pačaŭ pracavać u patrulna-pastavoj słužbie milicyi Savieckaha rajona Minska. Paśla pierajšoŭ u adździeł daznańnia Savieckaha RUUS. Dalej pracavaŭ staršym daznaŭcam pa asoba važnych spravach Savieckaha RUUS. Ale ŭsio heta było ŭ 2000-ja.
U 2006 hodzie Sambuk pierajšoŭ na słužbu ŭ centralny aparat KDB. Bolš zapisaŭ u jaho bijahrafii nie było.