Stała viadoma, u jakich jeŭrapiejskich haradach najbolš niebiaśpiečna znachodzicca
Pavodle spravazdačy Jeŭrasajuza ab jakaści žyćcia ŭ jeŭrapiejskich haradach u 2023 hodzie, samym niebiaśpiečnym horadam była pryznana stalica Italii — Rym. Niahledziačy na toje, što italjanskaja stalica ŭvachodzić u lik samych papularnych siarod turystaŭ haradoŭ, tolki 38% apytanych pahadzilisia, što na vulicach Ryma biaśpiečna znachodzicca nočču, piša Thinktanks.by.
27.01.2024 / 21:24
Rym. Fota: Sergii Kolesnyk / vecteezy.com
Druhoje miesca ŭ hetym antyrejtynhu zaniała hrečaskaja stalica Afiny (40%), treciaje — francuzski partovy horad Marsel (43%). Pra heta havorycca ŭ apublikavanym aficyjnym dakumiencie Jeŭrasajuza.
U hetaj spravazdačy havorycca, što ludzi adčuvajuć siabie ŭ bolšaj biaśpiecy ŭ nievialikich haradach. U pryvatnaści, 75% žycharoŭ haradoŭ z nasielnictvam da 250 tysiač nazvali miesca svajho žycharstva biaśpiečnym, a ŭ haradach z nasielnictvam ad 1 da 5 miljonaŭ žycharoŭ biaśpiečna siabie adčuvajuć tolki 67%.
Pavodle daśledavańnia, u trojku samych biaśpiečnych haradoŭ Jeŭropy ŭvajšli stalica Danii Kapienhahien, ispanski horad Aŭjeda i stalica Słavienii Lublana — usie jany nabrali 87% uchvalnych vodhukaŭ.
Śpis dzieviaci samych niebiaśpiečnych haradoŭ u 2023 hodzie vyhladaje tak:
- Rym, Italija (38%);
- Afiny, Hrecyja (40%);
- Marsel, Francyja (43%);
- Nieapal, Italija (44%);
- Ljež, Bielhija (44%);
- Stambuł, Turcyja (44%);
- Astrava, Čechija (45%);
- Miškalc, Vienhryja (48%);
- Safija, Bałharyja (48%).
Čytajcie taksama:
Minsk uvajšoŭ u top samych tannych dla žyćcia haradoŭ Jeŭropy
Navapołack, Baranavičy, Homiel — samyja represavanyja harady Biełarusi
Dzie znachodzicca Sianno? Biełarusy stvaryli bot, jaki dapamoža lepiej vyvučyć hieahrafiju radzimy