Раян Гослінг праспяваў калядную версію песні з «Барбі»
Канадскі акцёр выпусціў міні-альбом «Ken the EP». У яго ўвайшлі тры новыя версіі песні «I'm Just Ken», якая гучала ў фільме «Барбі».
21.12.2023 / 15:08
Таксама Гослінг зняўся ў кліпе, дзе прагучала калядная версія кампазіцыі. У здымках таксама ўзяў удзел аўтар песні пра Кена, музычны прадзюсар Марк Ронсан.
Песня Iʼm Just Ken прынесла Раяну Гослінгу першае ў жыцці пападанне ў чарт Billboard Hot 100. Адметна, што рэжысёрка Грэта Гервіг часткова перапісала сюжэт «Барбі», каб персанаж Кена ў выкананні Гослінга спяваў гэтую песню.