«Магчыма, Домрачава многае атрымала ад падтрымкі Лукашэнкі». Рафаэль Пуарэ выказаў здагадку, чаму маўчыць славутая беларуская біятланістка
Выданне «Люстэрка» ўзяло інтэрв'ю ў васьміразовага чэмпіёна свету, чатырохразовага пераможцы агульнага заліку Кубка свету француза Рафаэля Пуарэ, у якім сярод іншага закранула пытанне, чаму Дар'я Домрачава і яе муж нарвежац Оле-Эйнар Б'ёрндален не асудзілі вайну ва Украіне.
18.12.2023 / 19:19
Рафаэль Пуарэ. Рафаэль Пуарэ. Фота: instagram/raphael_poiree
— Лукашэнка знаходзіцца ва ўладзе ў Беларусі амаль 30 гадоў…
— Магчыма, некаторым людзям гэта падабаецца. Але, вядома, у дэмакратычнай краіне народ выбірае прэзідэнта. Хто ведае, каму б аддалі перавагу беларусы, калі б былі свабодныя выбары. Веру, што аднойчы адбудуцца пазітыўныя змены і ў Беларусі будзе дэмакратыя. Складана сёння ўявіць такую сітуацыю, як у вас, у іншай еўрапейскай краіне.
— Вы маеце зносіны з Б’ёрндаленам?
— Зрэдку. Апошні раз, напэўна, гаварылі па тэлефоне некалькі месяцаў таму.
— Разумееце, чаму ён і Домрачава не асудзілі вайну?
— Думаю, для іх гэта складаная сітуацыя. Домрачава была вельмі папулярная ў Беларусі, Лукашэнка яе падтрымліваў. Магчыма, яна шмат чаго атрымала ад гэтай падтрымкі. У Домрачавай і Б’ёрндалена ёсць дзеці, нейкі час сям’я жыве ў Беларусі, так што, напэўна, ім цяжка гаварыць пра вайну. Разумею гэта. Але калі нічога не кажаш, гэта таксама нешта значыць.
Чытайце таксама:
Бʼёрндален: Мы з Домрачавай у Беларусі вайны не адчуваем
Стала вядома, як Домрачава і Б'ёрндален назвалі сваю другую дачку
Дар'я Домрачава выпісалася з радзільні і падзякавала персаналу