U Polščy bačać pahrozu ŭ adkryćci novych avijarejsaŭ na Minsk

Pamiežnaja achova Polščy aścierahajecca, što adkryćcio novych rejsaŭ u Minsk pryviadzie da ŭzmacnieńnia mihracyjnaha cisku na miežy Biełarusi z krainami Jeŭrasajuza.

15.12.2023 / 16:18

Skrynšot ź videa

«U kancy śniežnia płanujecca adkryćcio novych pramych avijacyjnych rejsaŭ u Minsk. Vierahodna, dla novych hrup mihrantaŭ», — havorycca ŭ zapisie polskich pamiežnikaŭ u sacsietcy X.

Wczoraj patroledwukrotnie były atakowane przez migrantów,którzy rzucali kamieniami i konarami drzew.
Presja migracyjna na granicynie ustaje.Pod koniec grudnia planowane jest otwarcie nowych bezpośrednich połączeń lotniczych do Mińska,prawdopodobnie dla nowych grup migrantów pic.twitter.com/ppUU6iZ465

— Straż Graniczna (@Straz_Graniczna) December 15, 2023

Taksama ŭ paviedamleńni adznačajecca, što mihracyjny cisk na biełaruska-polskaj miažy zachoŭvajecca, a ŭ jakaści dokazu pamiežniki pryvodziać videazapis taho, jak mihranty zakidvajuć halinkami polskija patruli. Padobnyja incydenty, jak paviedamlajecca, za ŭčora zdarylisia dvojčy.

Tryvohu palakaŭ, miarkujučy z usiaho, vyklikaje płanavany z 22 śniežnia pramy rejs sa Stambuła ŭ Minsk tureckaj avijakampanii Southwest Airlines.

Čytajcie taksama:

Ź Minska ŭ Stambuł možna budzie dalacieć na dźvie hadziny chutčej, čym ciapier. Jak takoje mahčyma?

«Stała jasna, što dvuch tydniaŭ było niedastatkova». Finlandyja znoŭ całkam zakryvaje ŭsie prapusknyja punkty na miažy z Rasijaj

Polskija pamiežniki paviedamili pra vialikuju hrupu mihrantaŭ na biełaruskaj miažy

Nashaniva.com