U Minsku pabudujuć jašče adzin mikrarajon u Łošycy. Što tam budzie
U Łošycy-5 vyrastuć try žyłyja kvartały dla 8 tysiač čałaviek.
11.12.2023 / 09:01
Jak paviedamlajuć «Minsk-Naviny», u Łošycy-5 źbirajucca ŭźvieści kala 210 tysiač kv. m žylla — kala 3130 kvater dla bolš za 8 tysiač čałaviek.
Łošyca-5 budzie składacca z troch žyłych kvartałaŭ i raźmieścicca pobač ź siadzibna-parkavym kompleksam na terytoryi, dzie zaraz znachodziacca pryvatnyja damy.
Uzdoŭž vulicy Čyžeŭskich buduć damy ŭ 3-5 pavierchaŭ, ich pabudujuć pa indyvidualnych prajektach. Ź inšaha boku, uzdoŭž budučyni 3-ha transpartnaha kolca, płanujuć 7-8-paviarchovyja damy z abjektami absłuhoŭvańnia i padziemnymi aŭtastajankami. U paŭdniovaj i paŭdniova-ŭschodniaj častkach rajona na skryžavańni mahistralnych vulic pastaviać budynki vyšynioj da 14 pavierchaŭ.
Zapłanavany dva dziciačyja sadki pa 230 miescaŭ i škoła na 1056 navučencaŭ.
Ułaśnikam žylla, jakoje padlahaje znosu, jakija chočuć zastacca ŭ hetym rajonie, prapanujuć kvatery ŭ novabudoŭlach Łošycy-7.