Kiraŭnik viadomaj hiejmierskaj kampanii pryjšoŭ na ŭručeńnie premii The Game Awards u rycarskich daśpiechach
Kali nadakučyŭ zvyčajny harnitur, Sven Vinkie padkaža alternatyvu.
08.12.2023 / 20:25
Sven Vinkie, viadomy kampjutarny dyzajnier i hienieralny dyrektar viadomaj kampanii pa vytvorčaści videahulniaŭ Larian Studios, naviedaŭ cyrymoniju ŭručeńnia premii The Game Awards (TGA) 2023. Dla hučnaha mierapryjemstva Sven abraŭ niezvyčajny harnitur — rycarskija daśpiechi ŭ spałučeńni z soniečnymi akularami.
Fota: forum cdn.9gag.com
Usiaho za dasiahnieńni ŭ halinie raspracoŭki hulniaŭ sioleta była ŭručana 31 uznaharoda ŭ roznych naminacyjach: ad «Stvaralnika kantentu hoda», «Najlepšaha treniera pa kibiersporcie» da «Najlepšaj rolevaj hulni», «Najlepšaja režysury» i «Najlepšaha siužetu». Hałoŭny pryz dastaŭsia Baldur's Gate — hulni, raspracavanaj firmaj Svena Vinkie. Vierahodna, prykmietny łuk pavinien padkreślić status pieramožcy.
Siužet Baldur's Gate zasnavany na papularnaj nastolnaj rolevaj hulni Dungeons & Dragons (Padziamielli i Cmoki), dziejańnie jakoj adbyvajecca ŭ adnym z najbolš viadomych vydumanych hulniavych suśvietaŭ — Zabytych Karaleŭstvach (Forgotten Realms). Akramia Baldur's Gate na rachunku bielhijskaha raspracoŭščyka i inšyja paśpiachovyja prajekty. Naprykład, sieryja rolevych videahulniaŭ Divinity.
Čytajcie taksama:
Čały pajšoŭ u Bramu Bałdura. Hetuju hulniu fanaty čakali amal 20 hadoŭ