Aŭtobusy ŭstali, ludziam razdajuć rydloŭki: nastupstvy niepahadzi ŭ Minsku
Dvary prybirajuć 130 adzinak techniki i 1800 rabotnikaŭ.
29.11.2023 / 14:01
U Minsku z samaj ranicy padniaŭsia viecier i pajšoŭ śnieh. Nastupstvy ciažkich umoŭ nadvorja nie prymusili siabie čakać, piša Tochka.by.
Zaviruchi supravadžajuć biełarusaŭ užo amal tydzień. Pieršaja vialikaja miacielica prajšła ŭ čaćvier, 23 listapada. Tady jaje nastupstvy likvidavali pa ŭsioj krainie.
Hramadski transpart
U cełym, ruch arhanizavany, ale na niekatorych učastkach usio nie tak dobra. Minsktrans paviedamlaje, što tralejbusy №7, 38, 77 na vuł.Pančanki spynili ruch. Taksama aŭtobusy №17, 42, 50S, 121, 140 nie mahli prajechać u napramku vuł. Sucharaŭskaj.
Prablemnymi miescami stali vuł. P.Pančanki, Mazurava, Skrypnikava, Adzincova, Jakuboŭskaha.
Ruch pa maršrutach adnavili ŭ 09:28.
Pakul na vuł. Sucharaŭskaj spynieny ruch tralejbusa №38. Jon jedzie ŭ abychod pa vuł. Ruch tam byŭ adnoŭleny.
Stoparylisia aŭtobusy i tralejbusy na vulicach Rusijanava, Majakoŭskaha, Ałtajskaj i Bajkalskaj.
Uborka terytoryj
U minskich dvarach pracuje 131 adzinka techniki, u tym liku 22-małahabarytnaj, i 1,8 tys. rabotnikaŭ. Na darohi vysypali bolš za 21,7 ton piasčana-salanaj sumiesi.
Taksama ŽKH Minska arhanizavała vydaču invientaru dla ŭborki terytoryi. Aŭtamabilistaŭ zaklikali prybrać prajeznuju častku ad śniehu na adlehłaści nie mienš adnaho mietra vakoł svajoj mašyny.
Da 12 hadzin dnia na darohi było vyviedziena jašče 23 adzinki techniki i bolš za 300 rabotnikaŭ. Salanaj piasčanaj-sumiesi patracili amal 40 ton.
Płan «Nadvorje»
Minskaje DAI rekamienduje piešachodam uvažliva pierachodzić darohu i nasić śviatłoadbivalnyja elemienty z-za nizkaj bačnaści.
Kiroŭcam varta jeździć vielmi akuratna-vybirać chutkaść, trymać dystancyju i nie ździajśniać biez patreby manieŭraŭ.
Zrešty, u viedamstvie ličać, što lepš naohuł nie karystacca asabistymi aŭto, a pierasadžvacca na hramadski transpart.