Да канца года Беларусь і Расія збіраюцца падпісаць новы пакет інтэграцыйных праграм
Да канца года ўрады Расіі і Беларусі павінны падпісаць новы пакет сумесных інтэграцыйных праграм на 2024-2026 гады. Пра гэта падчас Беларускага інвестыцыйнага форуму ў Маскве паведаміў міністр эканамічнага развіцця Расіі Максім Рашэтнікаў, піша ТАСС.
23.11.2023 / 16:32
Паводле расійскага чыноўніка, гэтая тэма абмяркоўвалася падчас сустрэчы прэм'ер-міністра Расіі Міхаіла Мішусціна з дзяржсакратаром Саюзнай дзяржавы Расіі і Беларусі Дзмітрыем Мезенцавым. Колькі будзе праграм і якое фінансаванне пад іх закладуць, пакуль невядома.
Раней былі зацверджаныя 17 інтэграцыйных беларуска-расійскіх праектаў, якія павінны быць рэалізаваныя да 2025 года за кошт крэдыту Расіі ў памеры 1,74 млрд даляраў.
Чытайце таксама: