Zatrymali vykładčycu Instytuta biźniesu BDU
Kanał siłavikoŭ 22 listapada apublikavaŭ videa z zatrymanaj vykładčycaj instytuta biźniesu BDU Śviatłanaj Jaskievič.
22.11.2023 / 12:18
Śviatłana Jaskievič. Fota: sveta.yaskevich / Facebook
Na videa žančyna havoryć, što raźmiaščała ŭ sacsietkach pratesnuju simvoliku, a ŭ dvarovych čatach abmiarkoŭvała mahčymaść udziełu ŭ niesankcyjanavanych mierapryjemstvach.
U jakim statusie znachodzicca vykładčyca i pa jakim artykule jaje zatrymali, pakul nieviadoma.
Na sajcie Instytuta biźniesu BDU paznačana, što Śviatłana Jaskievič — ekśpiert i praktyk z 15-hadovym vopytam u halinie infarmacyjnych technałohij, elektronnaha navučańnia, piedahahičnaha dyzajnu, web-dyzajnu, kampjutarnaj hrafiki, UX-UI-prajektavańnia, juzabilici.
U 2004 hodzie jana abaraniła mahistarskuju dysiertacyju na temu «Sacyjalna-piedahahičnyja aśpiekty kampjutarnaj interpretacyi ŭ sučasnaj matematycy».