U rasijskaj Astrachani moładź masava patruciłasia narkotykami
U rasijskim horadzie Astrachań zafiksavana masavaje atručeńnie narkatyčnym rečyvam, mierkavana mietadonam. Usiaho, pa roznych źviestkach, paciarpieli 24 ci 25 čałaviek, troje zahinuli.
20.11.2023 / 22:32
Dvoje mužčyn, zatrymanych rasijskimi siłavikami pa hetaj kryminalnaj spravie
19 čałaviek ciapier špitalizavali z atručvańniem sintetyčnym narkatyčnym rečyvam, šeść ź ich — u ciažkim stanie, paviedamlaje rehijanalnaje Ministerstva achovy zdaroŭja. Nazva narkatyčnaha rečyva aficyjna nie nazyvajecca, adnak daśviedčanyja telehram-kanały śćviardžajuć, što havorka pra mietadon.
Pavodle infarmacyi telehram-kanała Shot, samaj małodšaj paciarpiełaj 18 hadoŭ, samamu starejšamu — 42. Zahinuli na hety momant try čałavieki — 29-hadovy mužčyna i dźvie 19-hadovyja dziaŭčyny.
Rasijski Śledčy kamitet zavioŭ pa hetych faktach kryminalnuju spravu pa artykule ab niezakonnym zbycie narkatyčnych rečyvaŭ. Paviedamlajecca, što pa joj siłaviki zatrymali ŭ Staŭrapali traich padazravanych mužčyn, hramadzian krain Siaredniaj Azii.
Čytajcie taksama:
Eks-hulca zbornaj Rasii aryštavali z paŭkiłahrama narkotykaŭ
Litoŭca asudzili da 15 hadoŭ kałonii za pieravoz u Biełaruś narkotykaŭ
U Słavakii lebiedzi nie źlatajuć z makavych paloŭ z-za narkatyčnaha apjanieńnia