Na Hrodzienščynie zatrymali onlifanščycu. Jaje zarobak uražvaje
Bierastavickija apieratyŭniki zatrymali 24-hadovuju žycharku rajona, jakaja ŭ svajoj kvatery arhanizavała pornastudyju.
09.11.2023 / 20:58
Fota dziaŭčyny raspaŭsiudziŭ blizki da rasijskich siłavikoŭ kanał
Jak śćviardžajuć śledčyja, na praciahu troch hadoŭ dziaŭčyna vyrablała intymny kantent sa svaim udziełam i raspaŭsiudžvała jaho na tematyčnym sajcie.
Zdymki jana rabiła jak u siabie doma, tak i za miežami Biełarusi.
Dostup da fota i videa kaštavaŭ ad 5 da 100 dalaraŭ. Takim čynam žycharka Bierastavickaha rajona zarabiła za try hady kala 70 tysiač dalaraŭ.
Śledčyja zaviali kryminalnuju spravu za vyrab i raspaŭsiud parnahrafičnych materyjałaŭ. Dziaŭčynie pahražaje da 4 hod pazbaŭleńnia voli.