Suzasnavalnica Svabodnaha teatra Natalla Kalada atrymała Orden Brytanskaj Impieryi
Cyrymonija ŭručeńnia prajšła ŭ Bukinhiemskim pałacy 2 listapada. Uznaharodu ŭručyli za ŭkład u raźvićcio prajekta.
04.11.2023 / 12:51
Fota: telehram-kanał Mikałaja Chalezina
«Ludzi, jakich paśviačajuć u Orden Brytanskaj Impieryi, adznačajucca za vydatnyja zasłuhi, asabistuju advahu, ich słužbu Vialikabrytanii i dziejnaści pa śviecie. Śpisy publikujucca dvojčy za hod: na Novy Hod i Dzień naradžeńnia manarcha. Uznaharodžańnie niepasredna miedalom roznaj vartaści adbyvajecca ŭ inšuju datu — u Bukinhiemskim pałacy abo ŭ Vindzarskim zamku.
Natalla Kalada i Mikałaj Chalezin byli naminavanyja na ŭznaharodu pry žyćci Jaje Vialikaści Karalevy Lizaviety II — heta byŭ apošni śpis pretendentaŭ na ŭznaharodu, pradstaŭleny na jaje razhlad. Paśla śmierci Karalevy, jaje syn staŭ karalom Karłam III i zaćvierdziŭ uznaharodžańnie. Hetaje ŭznaharodžańnie — pieršaje, padpisanaje im», — napisaŭ u svaim telehramie Mikałaj Chalezin.
U siaredzinie vieraśnia Svabodny teatr pastaviŭ ŭ łondanskim teatry «Barbikan» «Dzikaje palavańnie karala Stacha».
Fota: telehram-kanał Mikałaja Chalezina
Čytajcie taksama:
«Ašałamlaje». Krytyki ŭ zachapleńni ad «Dzikaha palavańnia karala Stacha»
«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»