Biełarusa pryciahnuli da administracyjnaj adkaznaści za «ekstremizm», ale jon siadzić u SIZA
13 kastryčnika ŭ rajonnym sudzie Žłobina Alaksieja Aŭdziejeva pryznali vinavatym u ździajśnieńni administracyjnaha pravaparušeńnia.
27.10.2023 / 18:02
Alaksiej Aŭdziejeŭ
Maładoha čałavieka abvinavacili pa častcy 2 artykuła 19.11 KaAP «Raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ».
U pastanovie, jakuju vyniesła Natalla Kačałava, fihurujuć dva epizody «administracyjnaha pravaparušeńnia» z «ekstremisckaj» skiravanaściu: padčas pieratrusu ŭ Alaksieja byŭ znojdzieny drukavany płakat, a taksama va «UKantakcie» znojdzienyja padpiski na infarmacyjnyja resursy, jakija ŭłada pryznała «ekstremisckimi».
Pavodle pastanovy, Alaksieja Aŭdziejeva aštrafavali na 1110 rubloŭ z kanfiskacyjaj mabilnaha telefona.
Sam Alaksiej na sudzie nie prysutničaŭ. Jon znachodzicca ŭ SIZA praz toje, što jaho abvinavačvajuć u ździajśnieńni złačynstva pa č. 1 art. 342 KK Biełarusi («Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich»).
27 kastryčnika ŭ sudzie Žłobinskaha rajona adbyŭsia sud nad Alaksiejem, ale ŭžo pa kryminalnym artykule. Spravu razhladała sudździa Śviatłana Rubachava. Vyniki suda pakul nieviadomyja.
Čytajcie taksama:
Adrazu piać palitviaźniaŭ, asudžanych za ŭdzieł u akcyjach pratestu, vyjšli na volu
U Škłovie vynieśli prysud Dzianisu Chachłovu. Jaho Rasija raniej vydała Biełarusi
Žychara Babrujska za sarvany čyrvona-zialony ściah pakarali «chimijaj»