Jašče try kamandy zavajavali pucioŭki na Jeŭra-2024

Pryčym adna z hetych zbornych siońnia nie hulała.

15.10.2023 / 23:42

Zbornaja Ispanii śviatkuje hoł. Fota: uefa.com

Pucioŭki na čempijanat Jeŭropy pa futbole zavajavali siońnia zbornyja Turcyi, Ispanii i Šatłandyi. Pryčym šatłandcy siońnia navat nie hulali.

Prosta ispancy pieramahli ŭ haściach Narviehiju ź likam 1:0 (Havi, 49-ja chvilina), tym samym pachavaŭšy šancy Narviehii trapić na kantynientalnaje pieršynstvo.

Ispanija — 15 bałaŭ (6 hulniaŭ), Šatłandyja — 15 (6), Narviehija — 10 (7), Hruzija — 7 (6), Kipr — 0 (7).

Narviežcam zastałosia ŭ adbory pravieści adnu hulniu, tamu jany nijak nie dahoniać Ispaniju i Šatłandyju.

Zorny hulec Narviehii Erlinh Chołan zastaniecca biez top-turniru. Naohuł narviežcy apošni raz hulali na čempijanacie Jeŭropy ŭ 2000 hodzie, na čempijanacie śvietu — u 1998-m.

Zbornaja Turcyi razhramiła Łatviju 4:0 i taksama vyjšła na Jeŭra.

Turcyja — 16, Uels — 10, Charvatyja — 10, Armienija — 7, Łatvija — 3.

U piatnicu pieršyja pucioŭki na čempijanat Jeŭropy zavajavali Francyja, Partuhalija i Bielhija.

Jeŭra-2024 projdzie letam nastupnaha hoda ŭ Niamieččynie. Na jaho traplaje pa dźvie najlepšyja kamandy z hrupy.

Čytajcie taksama:

Zbornaja Biełarusi siensacyjna zhulała ŭničyju sa Šviejcaryjaj

Pieršyja try zbornyja vyjšli na Jeŭra-2024

Padčas tavaryskaj hulni pabilisia futbalisty dvuch biełaruskich kłubaŭ

Nashaniva.com