Асуджанага на 20 гадоў палітвязня Уладзіміра Гундара перавялі на турэмны рэжым
Па прыбыцці ў калонію яго некалькі разоў змяшчалі ў штрафны ізалятар.
10.10.2023 / 15:23
Гродзенскі абласны суд 6 чэрвеня пакінуў прысуд палітвязню без зменаў — 20 гадоў калоніі. Ужо на наступны дзень адразу з карцара яго этапавалі ў калонію. Пры гэтым жонцы Гундара дазволілі спатканне з ім, але яна не паспела трапіць на яго з-за хуткага этапу.
Па прыбыцці ў калонію Гундара некалькі разоў змяшчалі ў штрафны ізалятар. Акрамя гэтага, у лісце да родных ён паведаміў, што яго хочуць перавесці ў турму.
Напачатку кастрычніка блізкім стала вядома, што Гундара ўсё ж адправілі ў магілёўскую турму № 4. Па якой прычыне і ці быў суд па замене рэжыму — сваякам не патлумачылі, піша Брэсцкая вясна.
Падтрымайце Уладзіміра: Турма № 4, 212011, Магілёў, Крупскай, 99А, Уладзімір Тадэвушавіч Гундар
Чытайце таксама:
Знікла сувязь з палітзняволеным Уладзімірам Гундарам. Хоць раней лісты прыходзілі кожныя два дні
Родныя палітзняволенага Уладзіміра Гундара не дачакаліся ягонага званка з-за кратаў