«Žyllo nie dla kožnaha». Pahladzicie, jaki niezvyčajny dom mastaka pradajecca ŭ Minsku
U Minsku, u mikrarajonie Aziaryšča, pradajecca dom z aŭtarskim interjeram. Jaho ŭładalnik — mastak. Padobnyja abjekty sustrakajucca niačasta, jon zacikavić amataraŭ retra i kalekcyjanieraŭ. Unutry poŭna ŭnikalnych rečaŭ, u tym liku i pieraroblenych, piša Realt. Pahladzicie, jak dom vyhladaje i kolki kaštuje.
22.08.2023 / 14:52
Draŭlany dom byŭ pabudavany ŭ 1956 hodzie ŭ Aziaryščy, niedaloka ad Uručča. Jaho abkłali hazasilikatnymi błokami i pačali zajmacca rekanstrukcyjaj. Na dachu lažyć šyfier. Ahulnaja płošča doma — 74,4 kvadratnaha mietra.
«Hety dom nie dla kožnaha», — piša aŭtar abjavy.
Dom, uładalnikam jakoha źjaŭlajecca mastak, poŭny cikavych i aryhinalnych rašeńniaŭ.
U stałovaj-haścioŭni stajać staryja bufiety i masiŭny abiedzienny stoł. Harnitur ad šviejnaj mašynki ciapier staŭ pracoŭnym stałom. Lustra na dźviarach i valizki z dvuch bakoŭ stvarajuć vizualny partał.
Spalniu zrabili ŭ toj samaj stylistycy. Tut taksama ŭparadkavana pracoŭnaje miesca.
Na ŭčastku ŭ 15 sotak znachodzicca jašče i majsternia ŭ 50 «kvadrataŭ», jakaja aciaplajecca i jakuju možna pierarabić pad haściavuju chatu.
Staić na terytoryi i zona barbiekiu z altankaj.
Aceńvajuć niezvyčajny dom u 148 tysiač dołaraŭ.
Čytajcie taksama:
«My maładyja, chočacca pahulać». Biełarusy raskazali, na jakija zarobki žyvuć i na što ich traciać
Inšaziemcy raskuplajuć biełaruskuju nieruchomuju majomaść
Ramont u styli «baroka», dva ŭzroŭni i zakrytyja dvary. Jakija kvatery pradajuć u Novaj Baravoj