«Playboy Ukraina» prezientavaŭ pieršy drukavany vypusk za čas poŭnamaštabnaj vajny
Na vokładcy časopisa «Playboy Ukraina» budzie chirurh, madel i televiadučaja Iryna Biełacarkaviec, jakaja była paranienaja padčas abstrełu Kijeŭskaj vobłaści i straciła voka.
05.08.2023 / 22:38
Vokładka novaha «Playboy Ukraina»
«Heta historyja nievierahodnaj prahi da žyćcia», — anansuje redakcyja na sajcie.
Taksama ŭ časopisie apaviadańni inšych ukrainskich žančyn, udzielnic prajekta Women stay strong, jakija atrymali traŭmy padčas poŭnamaštabnaj vajny.
«Drukujučy nakład, my vykazvajem padziaku bajcam USU, jakija zmahajucca dla nas za prava, ułasna, stvarać i raspaŭsiudžvać časopis. Tamu na raskładkach čytačy jaho nie ŭbačać. Jon adpravicca tudy, dzie takaja humanitarnaja dapamoha, jak Playboy, značna bolš patrebna — pa špitalach, balnicach i tyłavym punktach kiravańnia. Heta naš padpisany ŭsioj redakcyjaj miedyja snarad dabra i pryhažości», — paviedamlaje vydańnie
U krasaviku 2022 hoda časopis pryśviaciŭ śpiecvypusk vajnie. Jaho možna było nabyć anłajn za sumu ad 10 da 200 jeŭra (čałaviek sam moh vybrać), jakaja paśla pajšła na dapamohu frontu.