Historyi ŭ Telegram varta stvarać z aściarožnaściu: jość važnyja niuansy, jakija ŭpłyvajuć na biaśpieku
Ad učorašniaha viečara ŭ Telegram pačali źjaŭlacca Stories, jak i ŭ mnohich inšych sacyjalnych sietkach. Pakul jany dastupnyja ŭ testavym režymie tolki dla karystalnikaŭ padpiski Premium. Raspaviadajem, jak ich stvarać i jakija ryzyki jość.
21.07.2023 / 21:26
Ilustracyja: UMIT SOLMAZ / Pixabay
Jak stvaryć historyju ŭ Telegram?
Zajdzicie ŭ prahramu Telegram. Naciśnicie na simvał fotaaparata, jaki paśla abnaŭleńnia źjavicca ŭ pravym nižnim kucie.
Bieły simvał fotaaparata ŭ sinim kole. Mienavita tak možna stvaryć historyju ŭ telehramie.
Zrabicie fota abo abiarycie jaho z halerei. Vy adrazu ŭbačycie toje, što budzie ŭ historyi.
Tak vyhladaje stvorany, ale nie apublikavany, zdymak dla Stories u Telegram.
Kab zachavać zdymak, naciśnicie na simvał spampoŭki ŭ pravym vierchnim kucie ekrana. Tut ža vy možacie abrać, kolki budzie bačnaja storyz — naciśnicie na značok «24» kala radka dla dadavańnia podpisu. Jość čatyry opcyi — 6, 12, 24 i 48 hadzin.
Vybar času bačnaści storyz u telehramie.
Paśla naciśnicie «Dalej» u pravym nižnim kucie. Tut vy zdolejecie abrać, kamu budzie bačnaja storyz. Taksama z dapamohaj paŭzunkoŭ źnizu možna budzie abrać, ci dazvalajecie vy rabić skrynšoty storyz i ci budzie jana ŭ vašym profili paśla skančeńnia času pakazu.
Tut možna abrać, chto pabačyć vašy storyz.
Siarod opcyjaŭ bačnaści — «Usie», «Kantakty», «Blizkija siabry» i «Abranyja kantakty». Paśla naciśnicie «Apublikavać historyju» i jana źjavicca ŭ vašym profili, a taksama ŭ profilach vašych kantaktaŭ, kali vy dazvolili im jaje hladzieć.
Hetyja paramietry možna mianiać i paśla. Adkryjcie vašu storyz i naciśnicie na try kropki ŭ pravym vierchnim kucie ekrana. Naciśnicie «Chto moža bačyć». Mieniu adkryjecca nanova. Tam ža vy možacie padredahavać toje, što vykłali.
Mieniu kiravańnia ŭžo apublikavanaj historyjaj u Telegram.
Jakija jość prablemy?
Pieršaja prablema — heta toje, što čałaviek, jaki publikuje storyz, bačyć tych, chto jaje prahladzieŭ, — i heta nielha adklučyć. Bačna navat, u jaki mienavita čas jana była prahledžanaja.
Dźvie prahledžanyja storyz — bačna chto i kali pahladzieŭ.
Akramia ŭsiaho inšaha, vy budziecie bačyć u svajoj stužcy z samaha vierchu storyz usich vašych kantaktaŭ. Hetych ludziej vy mahli dadać tudy vypadkova abo z zusim inšaha akaŭnta padčas sinchranizacyi kantaktaŭ. Takim čynam vy možacie vypadkova vydać vaš akaŭnt, prahladzieŭšy storyz.
Kab hetaha paźbiehnuć, abo ačyścicie kantakty ŭ telehramie (jak heta zrabić, my pisali tut), abo sačycie za tym, kab nie naciskać na storyz inšych vypadkova.
Druhaja prablema — heta toje, što storyz, čas jakich minuŭ, sychodziać u archiŭ. I jany dastupnyja tam, pakul vy ich nie vydalicie. Vydalać ich daviadziecca ŭručnuju.
Kab heta zrabić, zajdzicie ŭ mieniu telehrama, nacisnuŭšy na try ryski ŭ vierchnim levym kucie ekrana. Znajdzicie tam punkt «Maje historyi». Naciśnicie na jaho.
Naciśnicie tut «Maje historyi»
Tut vy ŭbačycie ŭsie vašy ahulnadastupnyja historyi, jakija vy abrali, kab pakazvać u vašym profili.
Punkt mieniu «Maje historyi»
Historyi nie dla ŭsich i tyja, čas jakich prajšoŭ, zachoŭvajucca ŭ archivie. Naciśnicie na «Archiŭ» u nižnim pravym kucie ekrana. Adkryjecca «Archiŭ», u jakim buduć usie historyi.
Punkt «Archiŭ» ź mieniu «Maje historyi».
My nie adšukali mahčymaści adrazu čyścić «Archiŭ» adnym naciskam, tak što daviadziecca vydzialać usie historyi ŭručnuju doŭhim naciskańniem. Dalej naciśnicie na značok «Śmietnicy» ŭ vierchnim pravym kucie.
Vydzielenyja historyi. Naciśnicie na značok «Śmietnicy».
Dalej paćvierdzicie vydaleńnie, nacisnuŭšy «Vydalić» u aknie paćvierdžańnia.
Naciśnicie «Vydalić»
Ciapier historyi vydalilisia z «Archivu». Zdajecca, anijakaha anałahu «Śmietnicy» dla historyj niama i ŭznavić ci prahladzieć ich nanova budzie niemahčyma.
Čytajcie taksama:
Raspaviadajem, jak siłaviki znachodziać stvaralnikaŭ stykieraŭ u Telegram
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Miesiendžary: jakija ź ich sapraŭdy biaśpiečnyja i čym Viber lepšy za Telegram