У Паўднёвай Карэі моладзі будуць плаціць 490 даляраў за выхад з дому
У Паўднёвай Карэі ўсё больш маладых людзей цалкам ізалююцца ад грамадства, гадамі не пакідаючы свайго дома. Цяпер людзі ва ўзросце ад 9 да 24 гадоў з сем'яў з нізкім узроўнем даходу змогуць атрымліваць каля 490 даляраў у якасці штомесячнай дапамогі на жыццё.
17.07.2023 / 18:33
Субсідыю можна будзе выкарыстаць на шэраг паслуг у сферы аховы здароўя, адукацыі, культурнай дзейнасці, атрымаць бясплатныя юрыдычныя кансультацыі і нават правесці карэкцыю знешнасці.
Сацыяльная замкнёнасць у Паўднёвай Карэі стала сур'ёзнай праблемай. Каля 340 тысяч чалавек ва ўзросце ад 19 да 39 гадоў (ці 3% гэтай узроставай групы) лічацца адзінокімі або ізаляванымі. Хатнія гаспадаркі толькі з адным членам сям'і складалі каля траціны ўсіх сем'яў у 2022 годзе. Таксама ўзрасла колькасць людзей, якія памерлі ў адзіноце.
Чытайце таксама:
У Лондане Sprite бясплатна частуе халодным напоем людзей, калі ў іх кепскі настрой
«Нібы ў казку патрапіла». Беларуску ўразіў незвычайны «вязаны раён», на які яна натрапіла ў Варшаве