Спякотнае лета 2023-га. На выходных будуць амаль тропікі
Сіноптыкі расказалі на надвор'е на самую сярэдзіну лета: 15—17 ліпеня.
14.07.2023 / 15:52
Фота: «Наша Ніва»
У суботу пераважна без ападкаў. Ноччу будзе знаходзіцца ў межах +10..+ 16°С, максімальная днём складзе + 23..+29°С. У Мінску чакаецца да +27°С.
У нядзелю на тэрыторыю краіны будуць распаўсюджвацца цёплыя паветраныя масы трапічнага паходжання. Без ападкаў, кароткачасовыя дажджы толькі ў асобных раёнах па захадзе краіны, навальніцы. Ноччу будзе +8..+14°C, днём будзе вагацца ад +25°C па ўсходзе да +34°C па паўднёвым захадзе. У Мінску чакаецца +29°C.
У панядзелак, 17 ліпеня, умовы надвор'я будзе вызначаць атмасферны фронт, які змяшчаецца з захаду на ўсход. Ноччу і раніцай на большай частцы тэрыторыі, днём месцамі па краіне пройдуць кароткачасовыя дажджы. У асобных раёнах навальніцы. Ноччу ад + 12°C па ўсходзе да +20°C па паўднёвым захадзе, максімальная днём +25..+31°, па поўдні краіны паветра прагрэецца да +33°С. У Мінску чакаецца +29°С.
А вось з аўторка, паводле pogoda.by, зноў стане халадней. У Мінску, напрыклад, чакаецца +22°С.
Чытайце таксама:
На поўдні Еўропы прагназуецца нечуваная спёка. Месцамі +48,8°C