Hałoŭčanka zajaviŭ, što Biełaruś płanuje stać avijabudaŭničaj dziaržavaj
Premjer Raman Hałoŭčanka palacieŭ u Śviardłoŭskuju vobłaść. Na sustrečy ź jaje hubiernataram jon padzialiŭsia niekatorymi płanami pa supracoŭnictvie.
09.07.2023 / 19:50
Raman Hałoŭčanka i hubiernatar Śviardłoŭskaj vobłaści Jaŭhien Kuvajšaŭ. Fota: BiełTA
Hałoŭčanka raskazaŭ, što ŭ jaho płanach jość prajekty ŭ śfiery hramadzianskaj avijacyi.
«Dumaju, što my vyjdziem na absalutna novuju płanku ŭ hetaj śfiery. Biełaruś maje surjoznyja ambicyi pry dapamozie rasijskich kaleh uvajści ŭ razrad avijabudaŭničaj dziaržavy. Nam jašče treba budzie abmierkavać niekatoryja pytańni pa hetym kirunku», — zajaviŭ kiraŭnik biełaruskaha ŭrada, pryvodzić jaho słovy BiełTA.
I dadaŭ, što, mahčyma, paviedamić padrabiaznaści paźniej, pa vynikach vizitu.
Taksama ŭ Jekacierynburzie prapanujuć adkryć sietku kram «Da Domu» (jakija pazicyjanujuć siabie jak biełaruski anałah «Ikieja»).