Cybryki, abo bulbianyja krakiety — zakuska, jakuju zjaduć chutčej, čym vy jaje pryhatujecie
Kali vy chočacie pryhatavać štości smačnaje z prostych inhredyjentaŭ, bulbianyja krakiety — vydatnaje rašeńnie. Asabliva ŭ zachapleńni ad hetaha pierakusu dzieci, ale darosłyja taksama nie abyjakavyja.
02.07.2023 / 07:19
Bulbianyja krakiety. Fota: Cris Cantón / Getty Images
Adkul pajšła heta strava, ciažka vyznačyć, bo jaje viersii isnujuć va ŭsim śviecie — ad Čechii da Brazilii. Siarod ich i biełaruskija cybryki z tarkavanaj bulby. Ale samo słova «krakiet» — pryjšło z Francyi i aznačaje «kusać».
U pieravažnaj bolšaści krain krakiety padajuć u jakaści asobnaj lohkaj zakuski, a niedzie — u dadatak da inšych straŭ, naprykład da baršču. Najčaściej ich robiać šarapadobnymi abo cylindryčnymi.
U hetym recepcie prapanujem hatavać krakiety z učorašniaha piure. Usio, što patrabujecca, — heta zapravić piure narezanaj piatruškaj, sfarmavać z bulbianoj sumiesi cylindry, a zatym paniravać i smažyć da załacistaj daskanałaści. Pierad padačaj krakiety možna pasypać drobna narezanaj piatruškaj abo ciortym parmiezanam. Idealnym dadatkam taksama možna stać kropava-johurtavy sous.
Kab pryhatavać krakiety, spatrebicca:
- 2 šklanki bulbianoha piure
- 2 čajnyja łyžki narezanaj śviežaj piatruški
- bujnaja sol i mołaty pierac
- 1 šklanka muki
- 1 vialikaje jajka
- 1 ½ šklanki śviežych panirovačnych sucharoŭ
- alej
Jak hatavać:
- U vialikaj miscy źmiašajcie bulbianoje piure i piatrušku; prypraŭcie sollu i piercam. U niehłybokuju talerku nasypcie muku; prypraŭcie sollu i piercam. U jašče adnoj niehłybokaj miscy ŭźbicie jajka z 1 stałovaj łyžkaj vady. I ŭ jašče adnu talerku pakładzicie panirovačnyja suchary.
- Sfarmujcie z bulbianoj sumiesi cylindry pamieram prykładna 2 na 5 sm. Abkačajcie ich u muce, akunicie ŭ jaječnuju sumieś, zatym abkačajcie ŭ panirovačnych sucharach. U ciažkim siarednim rondali nahrejcie 3-4 sm raślinnaha aleju na siarednim ahni, pakul alej nie stanie haračy. Partyjami absmažvajcie krakiety da załacistaha koleru z usich bakoŭ, prykładna pa 2 chviliny na kožnuju partyju, pry nieabchodnaści pieravaročvajcie ich. Źlicie lišni tłušč na papiarovyja ručniki.
Kab zrabić kropava-johurtavy sous, patrebna:
- 150 h naturalnaha johurtu
- 1-2 zubčyki časnaku
- 2 č. ł. limonnaha soku
- 1 pučok kropu
Dobra vymyty i vysušany krop treba narezać i dadać u naturalny johurt razam ź limonnym sokam i zdrobnienym časnakom. Usie składniki źmiašać.
Bolš receptaŭ:
Lanivyja vareniki ź jahadami — najlepšy śniadanak letam. Možna zamarozić na zapas
Ideja na śniadanak: makavyja syrniki ŭ duchoŭcy
Klocki z dušami, haračy šakaład, sialava… Jakija stravy majuć prava stać brendam Połacka?