«Biełaruski Hajun» nie zaŭvažaŭ, kab u Biełaruś pieramiaščałasia jadziernaja zbroja
Manitorynhavaja hrupa «Biełaruski Hajun» adreahavała na siońniašniuju zajavu Uładzimira Pucina pra toje, što ŭ Biełaruś nibyta ŭžo dastaŭlenyja pieršyja jadziernyja zarady. Pavodle źviestak «Biełaruskaha Hajuna», pra toje, što na terytoryju našaj krainy apošnim časam zavozili takuju zbroju, ničoha nie śviedčyć.
16.06.2023 / 23:47
Fota ilustracyjnaje
«Biełaruski Hajun» nie vałodaje nijakaj paćviardžalnaj infarmacyjaj ab pačatku realnaha pieramiaščeńnia taktyčnaj jadziernaj zbroi ŭ Biełaruś», — śćviardžaje manitorynhavaja hrupa, źviartajučy ŭvahu, što zajavy na hetuju temu, jakija rabili Pucin i Łukašenka ciaham apošnich miesiacaŭ, časta supiarečyli adna adnoj.
Heta moža śviedčyć pra:
«1) adsutnaść u Łukašenki ŭsioj infarmacyi i kantrolu nad pracesam raźmiaščeńnia taktyčnaj jadziernaj zbroi ŭ Biełarusi;
2) uzhodnienuju pamiž Pucinym i Łukašenkam kampaniju pa dezinfarmacyi, z metaj, da prykładu, stvareńnia palityčnaha cisku napiaredadni samitu NATA ŭ Vilni i ŭkrainskaha kontrnastupleńnia».
Taksama «Biełaruski Hajun» padkreślivaje, što ŭ siońniašniaj zajavie Pucin nie ŭdakładniŭ typ bojeprypasaŭ, jakija, pavodle jaho, pieramiaścili ŭ Biełaruś. Raniej anansavałasia pieradača bojeprypasaŭ dla vykarystańnia šturmavikami Su-25 i ATRK «Iskander», a vierahodnym sposabam dastaŭki nazyvaŭsia čyhunačny transpart. Pry hetym takoha pieramiaščeńnia pakul što zaŭvažana nie było.
Čytajcie taksama:
Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu