Homielski «Spartak» budzie vypuskać šakaład sa smakam koły
Homielskaja fabryka «Spartak» płanuje pavialičyć vypusk małočnaha šakaładu z načynkami, kab kankuravać na hetym poli z zachodnimi brendami.
08.06.2023 / 16:35
Fota: bestbelarus.by
Pa słovach śpiecyjalistki pa vystavačnaj dziejnaści «Spartaka» Darji Charłaškinaj, siarod navinak, ź jakimi kandytary płanujuć vyjści na rynak, — šakaład z dadatkami ŭ vyhladzie papkorna, marmieładu, vybuchnoj i salonaj karamieli, a taksama sa smakam koły.
U hetym hodzie fabryka ŭžo pačała vypuskać horki šakaład z malinaj i zdrobnienym fundukam, apielsinam, a taksama ź limonam i imbiram.
Linija pa vytvorčaści tonkaha plitkavaha šakaładu z roznym utrymańniem kakava-praduktaŭ adkryłasia na «Spartaku» hetaj viasnoj.
U asnoŭnym pradukcyju «Spartak» adpraŭlaje ŭ Rasiju, na jakuju prypadaje kala 70% abjomu ekspartavanych prysmakaŭ.
Čytajcie taksama:
U Biełarusi ŭ prodažy znoŭ źjavilisia słavutyja niamieckija šakaładki. Ale nie ŭsie
Iran, AAE, Braziłija… Słodyčy ź jakich krain možna ciapier pabačyć na palicach biełaruskich kram?
U biełaruskija kramy viarnulisia žełacinki Haribo, ale nie tyja, što byli raniej