Karanik raskazaŭ, čamu jon radujecca ŭ hetym žyćci
Kožnaja sustreča z pradstaŭnikami rasijskich rehijonaŭ vyjaŭlaje novyja punkty rostu. Pra heta paśla sustrečy z delehacyjaj Ałtajskaha kraju ŭ Hrodnie zajaviŭ žurnalistam staršynia abłvykankama Uładzimir Karanik.
08.06.2023 / 11:46
Uładzimir Karanik. Fota: «Naša Niva»
«My dosyć aktyŭna ciapier pravodzim sustrečy z pradstaŭnikami rasijskich rehijonaŭ, naša delehacyja była za miežami Hrodzienskaj vobłaści, i my z radaściu sustrakajemsia z delehacyjami roznych rehijonaŭ Rasijskaj Fiederacyi. Kožnaja sustreča vyjaŭlaje novyja punkty rostu. Kožnaja sustreča jašče raz pacviardžaje, što ŭ nas vielmi vialiki i nie da kanca vykarystany patencyjał raźvićcia supracoŭnictva», — cytuje eks-ministra achovy zdaroŭja BiełTA.
Jon dadaŭ: «Vyniki ŭzajemadziejańnia jakraz z Ałtajskim krajem najbolš uražvajuć. Za minuły hod tavaraabarot vyras u 6 razoŭ. Heta śviedčańnie taho, što, moža być, my troški niedapracoŭvali ŭ papiarednija hady, ale zachavańnie dynamiki i sioleta (za 4 miesiacy jość dalejšy rost) pakazvaje, što nam jość što prapanavać adno adnamu, u nas dobryja pierśpiektyvy ŭzajemavyhadnaha supracoŭnictva na karyść našych rehijonaŭ i na karyść našych narodaŭ».
Kažučy pra pierśpiektyvy supracoŭnictva, kiraŭnik vobłaści paznačyŭ šerah napramkaŭ. «Heta abmien technałohijami ŭ žyviołahadoŭli, pakolki taksama Ałtajski kraj vielmi daloka prasunuŭsia, heta pryznany lidar Rasijskaj Fiederacyi ŭ hetym kirunku. Abmien najlepšymi praktykami, z majho punktu hledžańnia, daść sinierhietyčny efiekt. Heta i pierapracoŭka, i mašynabudavańnie, heta vypusk naviasnoha abstalavańnia samachodnaj sielhastechniki. 6 młn ha sielhasuhoddziaŭ patrabujuć apracoŭki, uličvajučy sibirskija abšary, akurat šyrokazachopnaja mahutnaja technika, jakaja ŭ tym liku vypuskajecca našymi vytvorcami, tam budzie najbolš zapatrabavanaja», — adznačyŭ Uładzimir Karanik.
Jon taksama vykazaŭ nadzieju na aktyvizacyju supracoŭnictva ŭ sacyjalnaj, humanitarnaj śfiery. «Heta i ŭzajemadziejańnie pamiž univiersitetami, heta i raźvićcio turyzmu, i, naturalna, sumiesnyja kulturnyja mierapryjemstvy», — reziumavaŭ staršynia Hrodzienskaha abłvykankama.
Čytajcie taksama:
Žycharu Bresta dali dva hady «chimii» za abraźlivy kamientar da fota Uładzimira Karanika
Łukašenka pryhraziŭ kiraŭnikam abłvykankamaŭ, što ździare ź ich skuru. Za što?