U navahodniuju noč pinčuk pakinuŭ kamientar pra Łukašenku. Jaho asudzili da 2 hadoŭ «chimii»
Sud Pinskaha rajona i Pinska asudziŭ pavodle č. 1 art. 368 KK (abraza Łukašenki) miascovaha žychara Uładzimira Chmuru. Suddzia Jaŭhienija Mielnik pryznačyła jamu dva hady «chimii». Pryčynaj staŭ kamientar u zakrytaj hrupie «UKantakcie» pad vyjavaj Łukašenki ŭ navahodniuju noč.
08.06.2023 / 11:05
Zhodna ź viersijaj abvinavačvańnia, 31 śniežnia 2022 hoda ŭ 23 hadziny 54 chviliny Chmura, «majučy namier i metu na publičnuju abrazu Łukašenki, naŭmysna, u zakrytym publičnym čacie pad hrafičnaj vyjavaj Łukašenki raźmiaściŭ kamientar u dačynieńni da jaho, u jakim majecca niehatyŭnaja acenka Łukašenki ŭ nienarmatyŭnaj formie». Źmiest kamientara pravaabaroncam nieviadomy.
Uładzimir u sudovym pasiadžeńni svaju vinu pryznaŭ całkam, ad dačy pakazańniaŭ admoviŭsia, piša «Viasna».