Mikoła Statkievič. 120 dzion nieviadomaści
Roŭna čatyry miesiacy niama nijakich źviestak pra asudžanaha na 14 hadoŭ kałonii palityka. Listavańnie ź im pierarvałasia ŭ pačatku lutaha.
08.06.2023 / 08:10
Mikoła Statkievič i Maryna Adamovič u dzień padačy dakumientaŭ u CVK. 15 maja 2020 hoda. Fota: Naša Niva
Viadoma tolki, što Statkievič paŭhoda byŭ u adzinočnaj kamiery, a potym, imavierna, trapiŭ u ŠIZA.
«Siońnia (dopis ad 15 maja. — «NN») atrymała adkaz z kałonii na svaje zapyty. … Toj, chto ničoha nie viedaje pra svaich rodnych, mianie zrazumieje. 36 spahnańniaŭ, ź ich 14 — ŠIZA (5 — za apošnija try miesiacy, termin nie paviedamlajuć). Ciapier, imavierna, u ŠIZA taksama albo tolki vyjšaŭ. Čarhovy raz pakarany znachodžańniem paŭhoda ŭ toj samaj adzinočcy 1ch3 m, anałahu PKT u «zvyčajnaj» kałonii. (Minułyja paŭhoda raściahnulisia na 9 miesiacaŭ). Heta značyć, što kali nie ŭ ŠIZA, to kruhłasutkava ŭ kamiennym miašku z prahułkaj u takim ža kamiennym miašku paŭhadziny na dzień. Pazbavili ŭsiaho: adzinaj pasyłki i spatkańniaŭ. Pra telefanavańni havorka navat nie idzie. Listoŭ pa-raniejšamu niama», — pisała ŭ siaredzinie maja jaho žonka Maryna Adamovič.
Mikołu Statkieviča zatrymali 31 maja 2020 hoda, kali jon u mašynie jechaŭ na Kamaroŭku na pieradvybarčy pikiet Śviatłany Cichanoŭskaj.
U śniežni 2021 hoda jaho asudzili na 14 hadoŭ kałonii asobaha režymu za arhanizacyju masavych biesparadkaŭ. Mirnyja pratesty pačalisia praz dva miesiacy, 9 žniŭnia 2020 hoda.
12 žniŭnia 2023 hoda palityku spoŭnicca 67 hadoŭ.
Na žal, situacyja sa Statkievičam nie ŭnikalnaja. Niama viestak ad lutaha ad Maksima Znaka, z 10 sakavika — ad Siarhieja Cichanoŭskaha, paŭtara miesiaca niama navin pra Viktara Babaryku dy inšych palitviaźniaŭ.
Čytajcie taksama:
Kastusioŭ trapiŭ u balnicu, Statkievič paŭhoda byŭ u adzinočnaj kamiery
Byłyja siadzielcy «Vićby» raskazali pra Znaka i Viniarskaha. Usiaho tam 150 palitviaźniaŭ
U Viktara Babaryki moža być złamana rabro i prabita lohkaje — Kabanaŭ