Баранавіцкую студэнтку судзілі проста ў ВНУ. Яна нібыта абразіла Лукашэнку
Выязное судовае пасяджэнне ў адносінах да 18-гадовай студэнткі БарДУ прайшло па ініцыятыве Баранавіцкай міжрайпракуратуры.
07.06.2023 / 20:48
«Злачынства» выяўлена Баранавіцкай міжраённай пракуратурай падчас маніторынгу інтэрнет-рэсурсаў, пасля чаго пракурор прыняў рашэнне аб узбуджэнні крымінальнай справы.
Паводле пракуратуры, дзяўчына 26 верасня 2022 года ў інтэрнаце ўніверсітэта пакінула ў адным з тэлеграм-чатаў абразлівы каментар на адрас Лукашэнкі.
Яна цалкам прызнала сваю віну.
Ёй прызначылі пакаранне ў выглядзе абмежавання волі без накіравання ў папраўчую ўстанову адкрытага тыпу на тэрмін 2 гады.
Пасля суда пракурор высупіў перад студэнтамі з «прафілактычнай» гутаркай.
Чытайце таксама:
Студэнтаў Баранавіцкага ўніверсітэта прымусілі глядзець інтэрв'ю з Раманам Пратасевічам