ISW sprahnazavaŭ, jak padryŭ Kachoŭskaj HES paŭpłyvaje na ŭkrainski kontrnastup
Vierahodnaj metaj rasiejcaŭ byŭ jakraz zryŭ niekatorych płanaŭ Ukrainskaha Hienštaba.
07.06.2023 / 07:57
Padryŭ HES nie spynić USU
Metaj padryvu Kachoŭskaj HES było imknieńnie rasiejcaŭ nie dapuścić vysadki ŭkrainskich sił na levym bierazie Dniapra ŭ Chiersonskaj vobłaści. Adnak heta nijakim čynam nie paŭpłyvaje na situacyju ŭ rajonie asnoŭnych bajoŭ, ličyć Amierykanski instytut vyvučeńnia vajny (ISW).
«Rasija moža vykarystoŭvać pavodku, kab pašyryć raku Dniapro i ŭskładnić ukrainskija sproby kontrnastupu praź i biez taho składany vodny abjekt. Rasijskija krynicy vykazali mocnuju i niedvuchsensoŭnuju zaniepakojenaść mahčymaściu taho, što Ukraina rychtujecca pierajści raku i kontratakavać na ŭschodnim bierazie Chiersonskaj vobłaści», — kažuć analityki.
Pry hetym jany kanstatujuć, što pavodka, vierahodna, zmyła ŭkrainskija pazicyi na astravach u delcie Dniapra, vymusiŭšy ŭkrainskich bajcoŭ evakujavacca pad ahniom rasijskaj artyleryi. Adnak na situacyju ŭ cełym heta mała ŭpłyvaje.
«Rajony teatra vajennych dziejańniaŭ, jakija paciarpieli ad pavodki (u radyusie 120 km pamiž Novaj Kachoŭkaj i Kizamisam), hieahrafična vielmi addalenyja ad pryfrantavych rajonaŭ, dzie ISW nazirała niadaŭnija bajavyja dziejańni ŭ apošnija niekalki dzion. Zatapleńnie nižniaha Dniapra naŭrad ci akaža jaki-niebudź upłyŭ na rajony, u jakich u apošni čas adbyvalisia aktyŭnyja bajavyja dziejańni», — ličać analityki.
Čytajcie taksama:
Kiraŭnik «Ukrhidraenierha» apisaŭ dva scenary raźvićcia padziej na Kachoŭskaj HES
Što nieabchodna viedać pra Kachoŭskuju HES i da čaho moža pryvieści jaje padryŭ
«Ni vadoj, ni rakietami nie spynić Ukrainy». Zialenski prakamientavaŭ padryŭ damby Kachoŭskaj HES