Biaspłatny teatralny letnik u Varšavie dla dziaciej i padletkaŭ — jak zapisacca
Pradziusarskaja inicyjatyva INEXKULT pačynaje nabor u dvuchtydniovuju teatralnuju škołku «Hulnia ŭ radaść» dla dziaciej i padletkaŭ, jakija žyvuć u Varšavie.
06.06.2023 / 16:03
Fota: INEXKULT
Dva tydni letnika buduć nasyčanyja akciorskimi, płastyčnymi i scenahrafičnymi majstar-kłasami. A ŭ kancy — finalny pakaz dla blizkich.
Siarod piedahohaŭ — režysior i kupałaviec Raman Padalaka, chareohrafka Ina Asłamava, scenohrafka i ilustratarka Taćciana Dzivakova, akciorka i režysiorka Paŭlina Prakapiuk.
Letnik budzie pravodzicca z 24 lipienia da 6 žniŭnia. Uzrost udzielnikaŭ, jakich zaprašajuć da škołki, — 9-16 hadoŭ.
Čas praviadzieńnia majstar-kłasaŭ: 11:00 — 17:00 (ź pierapynkam na abied 13:00 — 14:00).
U ramkach prajekta praduhledžany abiedzienny pierapynak (13:00 — 14:00), charčavańnie padletki zabiaśpiečvajuć sabie samastojna.
Udzieł u majstar-kłasach biaspłatny. Kolkaść miescaŭ abmiežavanaja, zapisacca možna pa spasyłcy.
Letnik — častka prahramy «Leta ŭ teatry» Teatralnaha instytuta imia Źbihnieva Rašeŭskaha, finansavanaja sa srodkaŭ Ministerstva kultury i nacyjanalnaj spadčyny Polščy.
Padrabiaźniej pra letnik možna daviedacca pa nastupnych kantaktach:
www.instagram.com/inexkult
pr@inexkult.com
teł. + 48 690 592 279