Што неабходна ведаць пра Кахоўскую ГЭС
Кахоўская ГЭС — шостая (ніжняя і апошняя) ступень каскаду дняпроўскіх гідраэлектрастанцый. Яна размешчана за пяць кіламетраў ад горада Новая Кахоўка.
06.06.2023 / 10:52
Фота: t.me/Tsaplienko
Сумарная вызначаная магутнасць ГЭС — 334,8 МВт. Даўжыня плаціны — 447 м, максімальная прапускная здольнасць — 21,4 тыс. кубаметраў. Уніз па плыні Дняпра знаходзяцца, у прыватнасці, вёскі Мікалаеўка, Ольгаўка, Цягінка, Панятоўка, Іванаўка, Дняпраны, Корсунка, Крынкі, Казачыя Лагеры, горад Херсон і іншыя населеныя пункты, піша РБК.
Рашэнне аб узвядзенні Кахоўскай ГЭС было прынята ў 1950 годзе. Аб'ект аднесены да вялікіх будоўляў камунізму, быў на паштовай марцы СССР. Для будаўніцтва і абслугоўвання электрастанцыі, на месцы вёскі Ключавое, быў створаны горад Новая Кахоўка. На будоўлі Кахоўскага гідравузла працавала каля 12 тыс.чалавек, больш за 30 экскаватараў, 75 гусенічных і партальных кранаў, 100 бульдозераў, 14 паравозаў.
Дзе адбываецца затапленне
Узровень вады ніжэй па цячэнні Дняпра з-за разбурэння падняўся на 5 м, паведаміў мэр Новай Кахоўкі Уладзімір Лявонцьеў.
У зоне патэнцыйнага затаплення жывуць 22 тыс.чалавек, паведамілі ўлады Херсонскай вобласці. У горадзе эвакуююць жыхароў прыкладна 300 дамоў, размешчаных на беразе Дняпра.
Пад пагрозай падтаплення знаходзяцца 14 населеных пунктаў — Дняпране, Корсунка, Крынкі, Казачыя лагеры, Пясчаноўка, Алешкі, Саланцы, Кардашынка, Коханы, Малая Кардашынка, Голая Прыстань, Белагрудавае, Старая Збур'еўка, Забарына.
Украінскія ўлады абвясцілі аб падрыхтоўцы да эвакуацыі насельніцтва з раёнаў на правабярэжнай частцы Дняпра. У МУС Украіны назвалі патэнцыйныя зоны затаплення на правабярэжнай частцы Дняпра, якая кантралюецца Кіевам — вёскі Мікалаеўка, Ольгаўка, Львова, Цягінка, Панятоўка, Іванаўка, Токараўка, Панятоўка, Прыдняпроўскае і часткова горад Херсон — востраў Карабел.
Чым яшчэ небяспечна абрушэнне ГЭС
Пры яе збудаванні ГЭС было створана Кахоўскае вадасховішча. З вадасховішча пачынаюцца Кахоўскі канал, Паўночна-Крымскі канал і канал Дняпро — Крывы Рог. Вадасховішча забяспечвала пітной і арашальнай вадой паўднёвыя раёны Украіны. Да 2014 года адтуль паступіла таксама вада ў Крым, яна забяспечвала 85% патрэбаў жыхароў у прэснай вадзе. Калі паўвостраў быў захоплены Расіяй, украінскія ўлады ў 2017 годзе перагарадзілі рэчышча канала дамбай. Расійскія вайскоўцы разблакавалі Паўночна-Крымскі канал падчас вайсковай аперацыі, з сакавіка 2020 года вада з Дняпра пачала паступаць у Крым.
«Калі плаціна будзе разбураная, узровень у вадасховішчы ўпадзе, усе гэтыя каналы абмялеюць, што стане таксама вялікай праблемай. У тым ліку для Крыма, які толькі-толькі атрымаў Дняпроўскую ваду», — казаў раней эксперт РАН Сяргей Станічны.
Вышэй па працягу Дняпра знаходзіцца Запарожская АЭС. Непасрэднай пагрозы ядзернай бяспекі з-за разбурэння Кахоўскай ГЭС няма, заявілі ў МАГАТЭ. У твітары агенцтва гаворыцца, што яго эксперты на Запарожскай АЭС у курсе паведамленняў аб пашкоджанні плаціны і сочаць за сітуацыяй.
Чытайце таксама:
Расейцы ўзарвалі дамбу Кахоўскай ГЭС. Ідзе тэрміновая эвакуацыя
Вада бяжыць шырокім патокам: відэа з разбуранай расейцамі Кахоўскай ГЭС
«Ні вадой, ні ракетамі не спыніць Украіны». Зяленскі пракаментаваў падрыў дамбы Кахоўскай ГЭС