Rasiejcy ŭzarvali dambu Kachoŭskaj HES. Idzie terminovaja evakuacyja
abnaŭlajecca
Za 5 hadzin vada dasiahnie krytyčnaha ŭzroŭniu.
06.06.2023 / 07:07
Skryn videa ASTRA
Pačałasia evakuacyja žycharoŭ niebiaśpiečnych rajonaŭ — paviedamiŭ kiraŭnik Chiersonskaj vobłaści Alaksandr Prakudzin.
U toj ža čas kiraŭnik akupacyjnaj administracyi Novakachoŭskaha rajona Uładzimir Lavonćjeŭ u razmovie z rasijskimi dziaržaŭnymi ŚMI abvierh padryŭ HES rasijanami.
Kiraŭnictva Chiersonskaj AVA paviedamiła, uzrovień vady z-za padryvu Kachoŭskaj HES dojdzie krytyčnaha ŭzroŭniu na praciahu piaci hadzin, piša UNIAN.
Pra heta zajaviŭ kiraŭnik Chiersonskaj abłasnoj vajennaj administracyi Alaksandr Prakudzin u terminovym zvarocie da nasielnictva.
«Rasijskaja armija ździejśniła čarhovy akt teroru — uzarvała Kachoŭskuju HES. Praź piać hadzin vada dastanie krytyčnaha ŭzroŭniu, raspačataja evakuacyja žycharoŭ niebiaśpiečnych rajonaŭ», — skazaŭ čynoŭnik.
Jon źviarnuŭsia da ludziej z prośbaj terminova sabrać dakumienty, rečy pieršaj nieabchodnaści i čakać evakuacyjnych aŭtobusaŭ.
Prakudzin zapeŭniŭ, što na miescy pracujuć pradstaŭniki ŭsich adpaviednych apieratyŭnych słužbaŭ i vajskoŭcy.
Padraździaleńni Nacyjanalnaj palicyi i Dziaržaŭnaj słužby nadzvyčajnych situacyj Ukrainy padniatyja pa tryvozie dla apaviaščeńnia i evakuacyi nasielnictva z patencyjnych zon zatapleńnia na pravabiarežnaj častcy Dniapra — u hetuju zonu traplaje i častka Chiersona.
Uładzimir Zialenski pravodzić ekstranaje pasiadžeńnie Rady nacyjanalnaj biaśpieki i abarony Ukrainy.
Na Kachoŭskaj HES razburanyja 11 z 28 pralotaŭ
Jak paviedamili ŭ ekstranych słužbach, u zonu padtapleńnia mohuć trapić 80 nasielenych punktaŭ.
Kachoŭskaja HES była pabudavana ŭ 1950-ch. Na bierazie Kachoŭskaha vodaschovišča raźmiaščajecca Zaparožskaja AES.