Пад Рагачовам маршрутка з пасажырамі перавярнулася некалькі разоў — пяць чалавек у бальніцы
У Рагачоўскім раёне маршрутка з пасажырамі трапіла ў сур'ёзную аварыю, паведаміла МУС. Аварыя адбылася ў нядзелю, 4 чэрвеня, апоўдні.
04.06.2023 / 23:40
Маршрутка з людзьмі некалькі разоў перавярнулася. Фота: МУС
36-гадовы кіроўца маршруткі на 191-м кіламетры трасы М5 Мінск — Гомель не даў рады кіраванню. Ён выехаў у кювет, машына некалькі разоў перавярнулася.
Паведамляецца, што траўмы рознай ступені цяжкасці атрымалі кіроўца і чатыры пасажыры ва ўзросце ад 29 да 42 гадоў. Усе яны знаходзяцца ў шпіталі.
Прычыны аварыі высвятляюцца.
Чытайце таксама:
Кіроўца мінскага сэрвісу «Яндэкс.Таксі» ўрэзаўся ў МАЗ — той перакуліўся