Контрнаступ Украіны будзе вельмі магутным — генерал ЗША
Амерыканскі генерал, былы дырэктар ЦРУ Дэвід Петрэус перакананы, што ўкраінскі контрнаступ будзе вельмі магутным, а сілы абароны Украіны падчас яго «дасягнуць агульнавайсковага эфекту».
04.06.2023 / 07:54
Фота: Мінабароны Украіны
«Я мяркую, што контрнаступ (Украіны) будзе вельмі магутным. Я думаю, што яны дасягнуць агульнавайсковага эфекту, гэта значыць яны будуць паспяхова праводзіць агульнавайсковыя аперацыі. Сілы абароны Украіны будуць працаваць зладжана і комплексна. Яны будуць выконваць розныя задачы. Сярод іх — размініраванне, прарывы, супрацьпаветраная абарона для абароны войскаў. Будуць прымяняць сродкі радыёэлектроннай барацьбы, наладжваць лагістыку і працаваць пры падтрымцы артылерыі і мінамётаў», — цытуе словы генерала «Украінская праўда».
Генерал дадаў, што ўкраінскія абаронцы «маюць намер вызваліць сваю краіну».
Раней прэзідэнт Украіны Уладзімір Зяленскі запэўніў, што па стане на сёння Украіна ўжо гатовая да контрнаступу.
Чытайце таксама:
Зяленскі: Контрнаступ — не кіно, не скажу, як вы яго ўбачыце