Miesi na nastupnym tydni prymie rašeńnie — Chavi
Hałoŭny trenier «Barsiełony» Chavi raspavioŭ pra mahčymaje viartańnie Łijanela Miesi ŭ kłub.
02.06.2023 / 09:24
Łijanel Miesi. Fota: AP
«Miesi prymie rašeńnie na nastupnym tydni. Ja viedaju, što Lea dapamoža nam, kali jon vyrašyć pryjechać, ale ŭ rešcie rešt ja dumaju, što my pavinny pakinuć jaho krychu ŭ spakoi. Što tyčycca futbolnaj temy, to heta zaležyć ad jaho. Dla mianie ŭ hetym niama nijakich sumnievaŭ. Kali Lea vyrašyć pryjechać, dla jaho buduć adčynienyja dźviery», — zapeŭnivaje trenier «Barsy»;
Miesi hulaŭ za «Barsiełonu» ź dziacinstva. U 2021 hodzie jon pierajšoŭ u PSŽ.
Učora hałoŭny trenier paryžskaha kłuba Krystof Halćje zajaviŭ, što matč apošniaha tura čempijanatu Francyi suprać «Klermona» stanie apošnim dla arhiencinca ŭ składzie kłuba. Praŭda, zatym kiraŭnictva PSŽ papraviła Halćje, što jon niapravilna vykazaŭ, i matč stanie apošnim u siezonie. Ale francuzskija ŚMI pišuć, što sychod čempijona śvietu sprava vyrašanaja.
Taksama siońnia stała viadoma, što «Inter» Majami zrabiŭ prapanovu Miesi.
Amierykanski kłub prapanuje arhiencincu kantrakt na čatyry hady z zarobkam u 50 miljonaŭ jeŭra ŭ hod. Heta nie samaja vialikaja prapanova — «Al-Chiłal» hatovy płacić jamu 500 miljonaŭ u hod, što zrobić Miesi samym vysokaapłatnym futbalistam śvietu.
Biała tolki ŭ tym, što fłarydski «Inter» idzie na apošnim miescy va Uschodniaj kanfierencyi, prajhraŭšy čatyry apošnija matčy zapar.
Čytajcie taksama:
Saudaŭcy nie zdajucca. Jany prapanavali za Miesi 1,2 miljarda jeŭra
Łijanel Miesi paprasiŭ prabačeńnia za pajezdku ŭ Saudaŭskuju Araviju