Польшча перадае Малдове зброю і боепрыпасы для ўмацавання бяспекі
Польскае МУС заявіла, што хоча дапамагчы «ўмацаванню праеўрапейскага ўрада ў Кішынёве і забеспячэнню адпаведнага высокага ўзроўню грамадскай бяспекі».
01.06.2023 / 17:32
«Незалежная і суверэнная Малдова, якая супрацьстаіць спробам унутранай дэстабілізацыі, мае патрэбу ў нашай падтрымцы! Таму я падпісаў пастанову аб перадачы малдаўскай паліцыі велізарнай партыі (2 самалёты «Геркулес» і 4 самалёты CASA) зброі, боепрыпасаў і абсталявання ад службаў, падпарадкаваных Міністэрству ўнутраных спраў і адміністрацыі», — заявіў кіраўнік МУС Мар'юш Камінскі.
Малдаўскай паліцыі перададуць шлемы, тактычныя камізэлькі і ахоўныя камплекты.
Польшча таксама ўвяла санкцыі супраць Ілана Шора, лідара прарасійскай партыі «Шор».
«Польшча на працягу доўгага часу актыўна ўдзельнічала ў дапамозе захаванню незалежнасці Малдовы», — гаворыцца ў заяве польскага МУС.
Чытайце таксама:
Пуціна арыштуюць, калі прыедзе ў Малдову — Санду
Рэкордная для Малдовы колькасць дэманстрантаў сабралася на сход у падтрымку еўраінтэграцыі
«Сімвал агрэсіі». У Малдове будуць штрафаваць за георгіеўскія стужкі