«Sievilja» vyjhrała Lihu Jeŭropy
U finalnym matčy, što prajšoŭ u Budapiešcie, ispancy ŭ sieryi pienalci pieramahli italjanskuju «Romu».
01.06.2023 / 01:05
Fota: Uefa.com
Asnoŭny čas skončyŭsia ź likam 1:1. Pryčym zabivaŭ tolki italjanski kłub.
U pieršym tajmie vyznačyŭsia arhiencinski forvard Paŭła Dybała, a ŭ druhim tajmie miač u svaje varoty zrezaŭ Džanłuka Mančyni. U dadatkovy čas hałoŭ nie było.
A sieryju pienalci «Sievilja» vyjhrała ź likam 4:1.
Takim čynam «Sievilja» ŭ siomy raz vyjhrała Kubak UEFA / Lihu Jeŭropy. Pryčym usie tytuły ispanskaja kamanda zavajavała z 2006 hoda. Kali kłub dabiraŭsia da finała jeŭrakubka, to jon ni razu nie prajhravaŭ.
7 červienia ŭ Prazie projdzie finał Lihi kanfierencyj: «Fijarencina» — «Vest Chem».
A 10 červienia ŭ Stambule — finał Lihi čempijonaŭ: «Mančester Sici» — «Inter».