«Ja razumieju, čamu jany nie paciskajuć nam ruki. Jana nie zasłužyła, kab jaje tak pravodzili z korta». Sabalenka pra toje, što trybuny aśvistali Kaściuk
Aryna Sabalenka prakamientavała situacyju, jakaja adbyłasia paśla matča z ukrainskaj tenisistkaj Martaj Kaściuk: trybuny aśvistali Kaściuk za toje, što jana nie pacisnuła ruku Sabalenka. Biełaruska padumała, što śviščuć u jaje adras, i sarkastyčna pakłaniłasia, piša sports.ru.
28.05.2023 / 17:11
— Ja nie mahła zrazumieć, što adbyvajecca. Tamu što my ŭsie viedajem, što ŭkrainskija dziaŭčaty nie paciskajuć nam ruki, tamu nas heta nie ździŭlaje, ale, napeŭna, siońnia dla hledačoŭ heta stała niečakanaściu. Jany ŭbačyli ŭ hetym niepavahu da mianie jak da hulca, tamu jaje aśvistali.
Ale spačatku ja vyrašyła, što aśvistvajuć mianie. Ja krychu razhubiłasia i padumała: «Dobra, što mnie rabić?» Ja pahavaryła z kamandaj, kab pierakanacca, što ŭsio pravilna zrazumieła. Potym ja razabrałasia, što adbyvajecca, i tady padziakavała hledačam, paprasiŭšy prabačeńnia za toje, što zrabiła spačatku (uśmichajecca).
Na pytańnie žurnalista, ci ličyć Sabalenka niepavahaj toje, što ŭkrainskija tenisisty nie paciskajuć ruku, Aryna adkazała:
— Ja tak nie liču. Ja razumieju, čamu jany nie paciskajuć nam ruki. Ja mahu ŭjavić reakcyju z ukrainskaha boku, kali jany buduć paciskać nam ruki. Tak što ja heta razumieju. I razumieju, što heta nie adnosicca da mianie asabista. Voś i ŭsio. Jana [Kaściuk] nie zasłužyła, kab jaje tak pravodzili z korta.
Ukrainskaja tenisistka Marta Kaściuk prakamientavała słovy biełaruski Aryny Sabalenka, jakaja ličyć, što ŭkrainka jaje nienavidzić.
Siońnia ŭ matčy pamiž Sabalenka i Kaściuk pieramahła Sabalenka ŭ dvuch setach — 6:3, 6:2.
Čytajcie taksama:
Aryna Sabalenka: Łukašenka moža kamientavać što choča, a ja prosta spartśmienka ź Biełarusi
Aryna Sabalenka nie razumieje, za što jaje nienavidziać ukrainki
«Kryčy, b***». Na BT kamientatara niecenzurna prymušali zaŭzieć za Sabalenku