Pavialičyli košt prajezdu pa biełaruskich płatnych darohach
U Biełarusi pavialičyli taryfy na prajezd hruzavoha transpartu pa płatnych aŭtadarohach krainy, vynikaje z pastanovy Mintransa № 24 ad 16 maja 2023 hoda.
28.05.2023 / 09:15
Dla aŭtamabilaŭ z masaj bolšaj za 3,5 tony taryf dla transpartnych srodkaŭ ź dźviuma vosiami pavyšajecca na 1,1 jeŭracenta da 10,1 jeŭracenta za kiłamietr, z tryma vosiami — na 1,1 jeŭracenta da 12,6 jeŭracenta za kiłamietr, z čatyrma i bolš vosiami — na 0,7 jeŭracenta da 15,2 jeŭracenta za kiłamietr.
Taryf za karystańnie płatnymi darohami za 15 kalandarnych dzion dziejańnia elektronnaha propusku pavyšajecca adrazu na 4 jeŭra da 18 jeŭra, za 30 kalandarnych dzion — na 6 jeŭra da 28 jeŭra, za kalandarny hod — na 21 jeŭra da 96 jeŭra.
Pavialičvajucca i sankcyi za nieapłatu ci niapoŭnuju apłatu. Razavy taryf dla transpartnych srodkaŭ masaj da 3,5 tony ŭ dačynieńni da faktaŭ nieapłaty pavyšajecca na 2 jeŭra da 12 jeŭra; dla transpartnych srodkaŭ masaj bolš za 3,5 tony ŭ dačynieńni da faktaŭ niapoŭnaj apłaty — na 1 da 16 jeŭra, u dačynieńni da faktaŭ nieapłaty — na 2 jeŭra da 32 jeŭra.
Čytajcie taksama:
Znoŭ chočuć unieści papraŭki ŭ zakon ab darožnym ruchu
U Ždanovičach pad Minskam pastavili darožny znak, nie praduhledžany PDR
Mintrans prapanavaŭ zabirać maršrutki ŭ niesumlennych pieravozčykaŭ