U Nacyjanalnaj akademii navuk schapili mahistra sacyjałohii
Supracoŭnika Instytuta sacyjałohii Nacyjanalnaj akademii navuk Andreja Bachanova zatrymali i kinuli na Akreścina.
27.05.2023 / 22:19
Andrej Bachanoŭ. Fota: sacyjalnyje sietki
Pra aryšt Siarhieja Bachanova paviedamili pravaabaroncy. Pa ich źviestkach, navukoŭca 24 maja supracoŭniki milicyi vyvieźli prosta z pracoŭnaha miesca.
Raniej pra źniavoleńnie Bachanova paviedamiŭ navukoviec Siarhiej Biesarab. Jon śćviardžaje, što zatrymańnie adbyłosia na «asabisty zahad» staršyni NAN Uładzimira Husakova.
«Terminova vyklikany da dyrektara» i tam zatrymany supracoŭnik Instytuta sacyjałohii NAN Biełarusi (pa sumiaščalnictvie hałoŭny sistemny administratar instytutaŭ sacyjałohii i fiłasofii) — Andrej Hienadzievič Bachanoŭ», — pisaŭ Siarhiej Biesarab.
Pavodle krynic Biesaraba, mierkavanaj nahodaj dla źniavoleńnia Bachanova staŭ jaho podpis pad zvarotam biełaruskich navukoŭcaŭ suprać hvałtu ŭ 2020 hodzie. Biesarab, spasyłajučysia na źviestki pravaabarončaha centra «Viasna», paviedamlaŭ, što jaho kalehu ŭtrymlivajuć u izalatary na Akreścina.
Krynicy «Našaj Nivy» paviedamili, što Bachanova źniavolili nibyta za «źniavažlivyja» kamientary ŭ sacyjalnych sietkach i pierasyłku «niejkaj rabočaj infarmacyi».
U dzień, kali byŭ apublikavany post Biesaraba, u Instytucie sacyjałohii skazali, što nie viedajuć pra zatrymańnie supracoŭnika.
U pres-słužbie Nacyjanalnaj akademii navuk taksama zajavili, što infarmacyjaj pra zatrymańnie Bachanova nie vałodajuć, ale paraili źviarnucca ŭ pravaachoŭnyja orhany.
Andrej Bachanoŭ — mahistr sacyjałohii, navukovy supracoŭnik addzieła sacyjalnaj teoryi i mietadałohii. U instytucie pracuje z 2013 hoda. Skončyŭ mahistraturu Instytuta padrychtoŭki navukovych kadraŭ Nacyjanalnaj akademii navuk dy aśpiranturu Instytuta sacyjałohii.
Bachanoŭ maje šerah navukovych publikacyj, pryśviečanych sacyjalnym pavodzinam moładzi.
Uletku 2021 hoda zatrymlivaŭsia ŭ ramkach administracyjnaj spravy za palityku.
Hladzicie taksama:
Viadomy chimik skłaŭ partret represavanaha navukoŭca. Niekatoryja vysnovy niečakanyja
«Dośvied palityčna matyvavanaha aryštu daje samy važny ŭrok: ty adzin, nichto nie pryjdzie i nie vyratuje». Sacyjalnaja mieniedžarka padzialiłasia razvahami
«Jak navukoviec — pustoje miesca»: syn staršyni NAN i tavaryš ministra adukacyi ŭ 33 hady staŭ prarektaram BDEU