«Я ў захапленні! Кажу, як аўтагоншчык». Міністр абароны Украіны пратэсціраваў усюдыход «Багун»
Міністр абароны Аляксей Рэзнікаў пратэсціваў усюдыход «Багун» украінскай вытворчасці і распавёў, што некалькі такіх машын ўжо «ваююць» на фронце.
26.05.2023 / 15:11
«Я ўжо казаў — заўсёды прыемна выпрабоўваць тэхніку, якая ідзе на фронт, а калі гаворка ідзе пра тэхніку ўкраінскай вытворчасці — гэта асалода! Датчане б сказалі: хюге».
«Нядаўна я абкатаў украінскі танк «Аплот», якія мы плануем замовіць для нашага войска. Сёння ж гаворка ідзе пра ўкраінскі усюдыход «Багун». Я ў захапленні! Высакакласная машына. Кажу не як міністр абароны, а як актыўны ўдзельнік чэмпіянатаў Украіны па трофі-рэйдах (гонках па бездаражы)», — цытуе Рэзнікава «Украінская праўда».
«Два такія ўжо ваююць у розных падраздзяленнях. Напрыклад, спецыяльна для дэсантнікаў, штурмавікоў зроблены «Багун» тыпу «Кабрыялет», дзе прыбралі кабіну як такую, наўзамен абсталяваўшы месцы для асабістага складу, зрабіўшы з яе дэсантную машыну.
Цяпер іншыя падраздзяленні выпрабоўваюць тэхніку, ставяць рознага тыпу ўзбраенні для выкарыстання ў ваенных дзеяннях. Ёсць нават версія медыцынскага эвакуатара. Больш за тое, ёсць ужо і заяўкі ад асобных камандуючых», — сказаў міністр абароны Украіны.