Siarod piaci kalinoŭcaŭ, što zahinuli pad Bachmutam, byŭ Mirasłaŭ Łazoŭski, zasnavalnik «Biełaha lehijona»
Raźvitańnie z Łazoŭskim pačniecca 26 maja ŭ Kijevie ŭ 12:40.
26.05.2023 / 11:58
17 maja stała viadoma, što biełaruskija dobraachvotniki panieśli straty pad ukrainskim Bachmutam. Pres-słužba pałka Kalinoŭskaha paviedamiła pra adnaho zahinułaha i čacviarych źnikłych bieź źviestak. Paźniej jany paviedamili, što ŭsie 5 bajcoŭ zahinuli.
Siarod tych, chto zahinuŭ pad Bachmutam, byŭ zasnavalnik «Biełaha lehijona» Mirasłaŭ Łazoŭski.
Mirasłavu Łazoŭskamu było 49 hadoŭ.
Jon naradziŭsia ŭ Minsku, u 1995 hodzie ŭstupiŭ u zasnavanaje Mikołam Statkievičam «Zhurtavańnie biełaruskich vajskoŭcaŭ», u tym ža hodzie staŭ adnym sa stvaralnikaŭ «Biełaha lehijona» — vajenizavanaj patryjatyčnaj arhanizacyi, metaj jakoj była dapryzyŭnaja padrychtoŭka moładzi.
Siabry «Biełaha lehijona» byli aktyŭnymi ŭdzielnikami mitynhaŭ i šeściaŭ u 1996—1999 hadach. Arhanizacyja syšła ŭ padpolle na pačatku 2000-ch.
Mirasłaŭ Łazoŭski ŭručaje «stalovyja bierety» ŭdzielnikam «Biełaha lehijona», jakija prajšli prajšli vyprabavańnie na ich. Kaniec 1990-ch
Apošni raz zhadki pra «Bieły lehijon» źjaŭlalisia ŭ 2017 hodzie. Tady Łazoŭskaha i byłych kiraŭnikoŭ arhanizacyi zatrymali ŭ spravie vybuchu 3 lipienia 2008 hoda, adnak nieŭzabavie vyzvalili z-pad varty.
U 2013 hodzie Mirasłaŭ Łazoŭski zasnavaŭ knižnuju sieryju «Biełaruś u vojnach», jaje metaj jon nazyvaŭ raspaŭsiudžvańnie navukova-papularnych vydańniaŭ ab historyi Biełarusi.
Pracavaŭ u vydaviectvie «Knihazbor», jakoje źlikvidavali ŭłady ŭ studzieni 2023 hoda.
Čytajcie taksama:
Na volu vyjšaŭ Mirasłaŭ Łazoŭski, apošni zatrymany pa «spravie patryjotaŭ»
Fihurant «spravy patryjotaŭ» Mirasłaŭ Łazoŭski ažaniŭsia
Mirasłaŭ Łazoŭski: «A ciapier chaciełasia b paŭdzielničać u vypraŭleńni demahrafičnaj situacyi!»