Viciebskamu art-mieniedžaru Uładzimiru Bułaŭskamu pryznačyli dva hady kałonii
Jaho abvinavacili pavodle art. 342-2 Kryminalnaha kodeksa — nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ.
26.05.2023 / 11:42
U sudzie Pieršamajskaha rajona Viciebska 26 maja vynieśli prysud palitźniavolenamu art-mieniedžeru i muzyku Uładzimiru Bułaŭskamu — dva hady kałonii va ŭmovach ahulnaha režymu. Jaho abvinavacili pavodle art. 342-2 Kryminalnaha kodeksa — nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ. Spravu razhladaŭ suddzia Michaił Jurčanka, piša «Viasna».
Za kratami Uładzimira ŭtrymlivajuć piać miesiacaŭ.
Pavodle zakanadaŭstva, zavieści kryminalnuju spravu suprać čałavieka pa art. 342-2 KK mohuć, kali jaho dvojčy za hod asudzili pavodle art. 24.23 KaAP «niesankcyjanavanaje pikietavańnie». U 2022 hodzie Uładzimira sudzili pa administracyjnych spravach niekalki razoŭ: u lutym i ŭ lipieni. Čarhovaje zatrymańnie adbyłosia ŭ śniežni za fota ŭ sacsietkach, jakoje paličyli niezakonnym pikietavańniem.
Z 2020-ha hoda siłaviki zatrymlivali Uładzimira jak minimum piać razoŭ.
Taksama Bułaŭski, pavodle śledstva, z 5 vieraśnia 2014 hoda pa 22 sakavika 2021 hoda ŭ sacsietkach źmiaščaŭ vyjavy nacyjanalnaj simvoliki.
Na sudzie Uładzimir nie pryznaŭ vinu i davaŭ pakazańni na biełaruskaj movie.
Palitviaźniu błakujuć listavańnie i jon amal nie atrymlivaje viestački z voli.
Padtrymajcie Uładzimira pasyłkaj, listom, hrašovym pieravodam ci telehramaj: SIZA-2, Haharyna 2, 210026, Viciebsk, Uładzimir Iharavič Bułaŭski
Čytajcie taksama:
Prysud homielskamu žurnalistu-fryłansieru Jaŭhienu Mierkisu abvieściać 30 maja
U Połacku zatrymali ŭnijackaha śviatara i 77-hadovuju žančynu
73-hadovuju kandydatku techničnych navuk aryštavali na 10 sutak